28 лістапада выхаванцы старэйшай групы запрасілі сваіх бацькоў і сваіх равеснікаў на спектакль. Абраная для пастаноўкі казка "Дзяўчынка і ягады" дазваляе замацаваць у выхаванцаў уяўленні аб правілах бяспекі ў лесе. Маленькія артысты гулялi ролі зайчыка, лісы, ваўка, мядзведзя. Імітавалi іх «галасы», паводзіны; спявалi песенкі, танцавалi. Папярэдняя праца па падрыхтоўцы спектакля ўключала ў сябе выбар казкі, працу над музычным і мастацкім афармленнем, выраб дэкарацый і рэквізітаў. Бацькі выхаванцаў дапамаглi падрыхтаваць касцюмы і атрыбуты. Такая тэатралізаваная форма спрыяе раскрыццю творчага патэнцыялу выхаванцаў. Прыёмы тэатральнай гульні развіваюць пазнавальныя здольнасці, уяўленне і фантазію.